រូប​មន្ត​ទទួល​ទាន​អាហារ​មិនឲ្យ​ធាត់​

រូបមន្តទទួលទានអាហារមិនឲ្យធាត់

វាមិនមែនជារឿងចម្លែកនោះទេ ដែលមនុស្សមួយចំនួនតែងតែឡើង និងចុះគីឡួមិនទៀងទាត់ ដែលវាអាចអាស្រ័យមកពីកត្តាជាច្រើនរួមផ្សំ។ អ្នកខ្លះខំប្រឹងតមអាហារ ហាត់ប្រាណជាប្រចាំ ទទួលទានថ្នាំសម្រកគីឡួ និងព្យាយាមធ្វើគ្រប់បែបយ៉ាងដើម្បីរក្សារូបរាងអោយសមល្មមស្អាត។ តាមពិតទៅ បើសិនជាយើងដឹងពីគន្លឹះបន្តិចក្នុងការទទួលទាន យើងប្រាកដជាមានភាពងាយស្រួលមួយកម្រិតក្នុងការថែរក្សារាង។ តោះសាកអានមើល៍ចឹង។

១. ទទួលទានអាហារអោយមានកម្រិត
ការទទួលទានអាហារចៀនបំពងមួយចានធំៗក្នុងពេលតែមួយ វាមិនមានផលល្អទេចំពោះសុខភាព។ អ្នកគួរប្តូរទម្លាប់មកពិសារអាហារដែលមានរួមផ្សំនូវជីវជាតិចិញ្ចឹមត្រឹមត្រូវដល់រាងកាយ ដូចជា បន្លែ ផ្លែឈើ ត្រី ទ្រូងមាន់ ជាដើម។ បើអ្នកចង់រក្សារាងអោយបានស្អាត អ្នកត្រូវញ៉ាំអោយបានត្រឹមត្រូវ មិនមែនបង្អត់អាហារខ្លួនឯងទេ។

២. ទំពារអាហារមួយៗ អោយម៉ត់ល្អ

ចំណាយពេលយ៉ាងហោចណាស់ ៣០នាទីក្នុងការបរិភោគអាហារ ហើយរីករាយជាមួយនឹងរសជាតិអាហារទាំងនោះ ព្រោះពេលអ្នកដែលញ៉ាំអាហារលឿនពេក វាអាចធ្វើអោយរាងកាយកាន់តែធាត់ និងមានអារម្មណ៍ឆាប់ឃ្លានកាន់តែខ្លាំង។