ក្រុងឆីធឺហ្គុង: ក្រុមអាជ្ញាធរបាននិយាយពីថ្ងៃអង្គារថាភ្លៀងធ្លាក់ខ្លាំងនៅរដូវ មានខ្យល់មូសុងបានបណ្តាលឲ្យមនុស្សយ៉ាងតិច ៧៧ នាក់ស្លាប់នៅតំបន់ភាគអាគ្នេយ៍ដែលភាគច្រើនក្នុងចំណោមជនរងគ្រោះ ទាំងអស់នោះត្រូវកប់នៅក្រោមដីបាក់។
ក្រុមប៉ូលិសបានព្រមានថាចំនួនអ្នកស្លាប់អាចនឹងកើនឡើងខណៈក្រុម បុគ្គលិកសង្គ្រោះបន្ទាន់បានទៅដល់ផ្នែកដាច់ស្រយាលមួយចំនួននៃ តំបន់ដែលជួបគ្រោះមហន្តរាយភ្លៀងបាក់ដីនេះជាទីដែលបណ្តាញតភ្ជាប់ ទូរស័ព្ទ និងដឹកជញ្ជូនត្រូវបានកាត់ផ្តាច់។
ប្រធាននាយកដ្ឋានគ្រប់គ្រងគ្រោះមហន្តរាយ DDM លោក Reaz Ahmed បានថ្លែងប្រាប់ AFP ថា៖ «កិច្ចការជួយស្តារស្ថានភាពបន្ទាន់នេះកំពុងតែបន្តធ្វើ។ ចំនួនអ្នកស្លាប់សរុបអាចកើនឡើងបន្ថែមទៀត ខណៈតំបន់ជាច្រើនមិនទាន់ត្រូវបានតភ្ជាប់ប្រព័ន្ធទូរគមនាគមន៍នៅ ឡើយនោះ»។
លោក Ahmed បានថ្លែងថាក្រុមអ្នកឆ្លើយតបគ្រោះមហន្តរាយត្រូវបានដាក់ពង្រាយ ក្នុងតំបន់ដែលជួបគ្រោះធ្ងន់ធ្ងរនានាដើម្បីពង្រឹងកិច្ចការស្តារ ស្ថានភាពនេះ។
មន្ត្រីដដែលនេះបាននិយាយថាយើងមិនទាន់មានលទ្ធភាពធ្វើដំណើរទៅ ដល់តំបន់ផ្សេងៗទៀតប៉ះពាល់ដោយគ្រោះមហន្តរាយនេះនៅឡើយ។
នៅពេលដែលរាំងភ្លៀងពួកយើងនឹងថតយករូបភាពនៃការខូចខាត និងបន្តកិច្ចការស្តារស្ថានភាពនេះទាំងស្រុង និងភ្លាមៗ»។
ក្រុមជនរងគ្រោះភាគច្រើនមកពីសហគមន៍កុលសម្ព័ន្ធនៅក្នុងសង្កាត់ Rangamati តំបន់ភ្នំដាច់ស្រយាលនៅកៀកព្រំដែនឥណ្ឌាដែលមនុស្ស ៤៨ នាក់ត្រូវបានស្លាប់ដោយបាតុភូតបាក់ដី បានកើតឡើង និងបានកប់ផ្ទះសំបែងរបស់ពួកគេ។ អ្នកស្រុកខ្លះដេកលក់ ខណៈបាក់ដីកើតឡើងនៅពេលភ្លៀងខ្លាំងនោះ៕
0 comments:
Post a Comment